马国明输俾陈豪！“老年健步鞋”穿搭太基础似攞外卖，“视后”“……

由钟澍佳执导嘅新电视剧

《玫瑰战争》

最近静鸡鸡举行咗开机仪式

一众主创已经齐哇哇亮相

呢个故事就係由

一位富商被碎尸嘅惨案开始

而呢位富商生前牵涉多单

逼迫女明星进行不道德交易

故事嘅设置听落几吸引人

开机仪式要求各位主创统一着装

个个胜负欲“爆棚”嘅主创

都喺自己嘅搭配上花咗心思

希望喺开篇就俾个好印象大家

▓▓▓▓▓▓▓▓▓▓▓░░░░努力加载中……

阔腿长裤

係最百搭嘅时尚单品

好几位女星都拣咗佢

嚟搭配宣传剧集嘅T恤

杨茜尧嘅黑色裤款

有啲normal

所以佢就用咗一条

比较亮色嘅大牌皮带

将大家嘅目光聚焦喺佢腰间

而且好有心机咁

喺裤管里面穿厚底鞋

拉长整体视觉效果

姚子羚嘅“心机”放喺裤长上

佢拣咗更高腰嘅裤款

显腿长又助力身高

再用同色系嘅尖头高踭鞋

再助攻一下视觉效果

姚子羚嘅上短下长搭配

完胜杨茜尧嘅比例

啱啱过完生日嘅陈自瑶

今次都拣咗黑色宽腿长裤搭宣传T

佢嘅心机就更“高”

将T嘅下摆打结绑起

整体造型时尚感爆棚

佢生日时放出嘅

“卓玛风”写真

晒伤妆+民族风穿搭

都好适合佢

网友不禁感慨

真係咩风格Yoyo都驾驭到

林夏薇最近又苗条咗

选穿超短裙出宣传

用白滑大长腿做卖点

薇薇嘅亮点係

拣咗一件大码嘅T

穿嘅时候将衫袖折起

又用腰带轻轻提起衣摆

“下衣失踪”嘅穿法好迷人

//////////

男士嘅穿搭创意会少啲

但陈豪&陈展鹏两位主角

就暗暗为宣传T打咗个底

百搭黑&随性白

点衬都抢眼

折起翻边露出颜色又得

配大码嘅show衫袖边又得

仲可以顺便晒埋手臂线条添

上半身不基础

下身只要基础牛仔裤

即刻变身完美型男

同样係T搭牛仔裤嘅马国明

喺今铺“穿搭战争”中就

真系太普通啦

基础大细嘅啱身T恤

搭配基础款嘅窄脚牛仔裤

再加一对好基础嘅

“老人灰”健步波鞋

每个元素都为佢“增值”5岁

网友仲评价话

马明成个look好似

中年男街坊落街攞外卖

基础到毫无时尚度可言

又有网友隔住屏幕问

“靓汤”最近忙紧咩

Color福利

趁住仲係我哋嘅生日月，庆生活动约埋你！

精彩回看·游戏动漫

资料来源：微博、小红书、剧照等

编辑：郭 玮

一审：曾敏妍

二审：董华海

三审：骆 苹

【小程序】票巴网【邮政】中国邮政微邮局【淘宝】羊晚生活馆

都可以买到《可乐生活》▼▼▼

羊城晚报报业集团旗下的粤语生活类报纸，广东省唯一一份粤语刊物。广州至潮至IN的吃喝玩乐，湾区潮流资讯风向，统统喺晒度！